Xa levamos algún día máis de confinamento en familia, e espero que o vexades coma un agasallo para pasar moitos momentos especiais xuntos, disfrutando dese tempo que as veces escasea na rutina diaria. Hai que ser positivos!
Hoxe plantexamos as seguintes propostas:
1- ASEMBLEA NA CASA:
Propoñemos elaborar un recanto específico para traballar cada día a ASEMBLEA, rutina tan importante na escola, onde poden vivenciar diariamente o paso do tempo e ordenar as súas ideas sobre a sucesión do mesmo. Dependendo do espazo do que dispoñades no fogar, podedes decidir onde situalo: nunha mesa, nunha caixa de cartón...
Propoñemos de exemplo unha caixa, e para realizar a actividade terán que facer o seguinte:
- Decorar a caixa: podemos poñer de fondo un debuxo dunha paisaxe primaveral que eles fagan. Podedes usar todo tipo de materiais (dos que dispoñades na casa ou no xardín se algún ten a sorte de contar con el). (MINIMUNDO DA PRIMAVERA).
- Alí cada día poden engadir o día que é (cos números do 0 ao 9 xa poderán formar todos os días do mes e xogar cos números, o mes (que dentro de moi pouco remata marzo e comeza abril), o tempo que fai (facendo tarxetas diferentes de chuvia, sol, sol e nubes... que poden elaborar eles mesmos)...
Todo o que se vos ocorra…
- Ademais podedes falar con eles e elas dos cambios que se producen na primavera: os paxaros cantan, os animais que estaban hibernando espertan, saen moitos tipos de flores...
- Falar con eles un rato: que conten que foi o que máis lle gustou do día de onte, que lles apetecería facer hoxe, como se sinten…(é importante que aprendan a escoitar e a respectar o turno de palabra, e é fundamental sentirse escoitados).
- Tamén suxerimos que podedes engadir a este recanto, unha lista de películas favoritas, unha lista de comidas que lles apeteza… e así cada día poden comprobar o que toca hoxe.
A continuación podedes ver unha foto do exemplo da actividade.
Foto de www.tamarachubarovsky.com
Tamén vos propoñemos diferentes cancións que poden escoitar todos os días pola mañá:
2- XOGAMOS A SER CIENTÍFICOS:
A seguinte proposta é a de facer un "Fluído non newtoniano". O que desexe pode ampliar a actividade investigando: por que pasa isto?. Sabíades que hai certos fluídos que poden ser á vez líquidos ou sólidos dependendo da presión que lles apliquemos?
Nestes vídeos podedes ver as receitas, unha pequena explicación e como plantexarlle a actividade aos nenos e nenas.
Podedes engadirlle á masa para enriquecer a actividade: pelouros, paus, bolas..., o que se vos ocorra para que o busquen e xoguen con eles.
3- CONTO CONTIÑO:
"A toupiña que quería saber quen lle fixera aquilo na cabeza".
Este gústalles moito. Por que será?
Para despedirnos, hoxe propoñemos unha canción coa que desfrutar e bailar en familia.
Moito ánimo, alegría e forza!
