19 junio 2020

FIN DE CURSO!

BO DÍA FAMILIAS!

Despois de tantos meses na casa chegaron as vacacións do verán, afortunadamente, sendo xa libres!!! Esperamos que esta situación non se volva repetir e a volta ó cole en setembro supoña momentos de reencontros emocionantes e que estea chea de aventuras apaixoantes, dun feixe de sorrisos compartidos e de novas experiencias por vivir...

Aproveitamos para darvos as GRAZAS en maiúsculas, a vós, AS FAMILIAS, polo papel que tivestes que levar a cabo nunha situación realmente complicada, tendo en conta as necesidades das vosas crianzas. E dentro das familias, por suposto, incluímos ós nenos e nenas que dun día para outro e, sen tempo para asimilalo, víronse inmersos nunha situación de confinamento realizada polo ben de tod@s!

RAPACES E RAPAZAS, 
SODES UNS AUTÉNTICOS SUPERHEROES E SUPERHEROÍNAS, 
SEN NECESIDADE DE CAPAS NIN ANTEFACES!

Polo dito e en agradecemento pola vosa colaboración coa escola, queremos compartir uns vídeos que fixemos con moitísimo cariño para vós en recoñecemento do traballo realizado durante este confinamento. Para nós o feito de recibir actividades feitas polas nenas e nenos supoñía un "chute de enerxía"..., e ganas de seguir traballando e pensando en novas propostas adaptadas a vós e á situación que estabamos a vivir, non sempre tan doado...


INFANTIL 3 ANOS



INFANTIL 4 ANOS



INFANTIL 5 ANOS


Non queremos despedirrnos sen antes dedicarlle os nosos parabéns ás crianzas que cumpriron anos este mes:



ATA AQUÍ O CURSO 2019-2020... 

Agora tócanos desfrutar da nova "normalidade":
saír a pasear, ir a praia, comer no monte, xogar cos amig@s..., en definitiva,

GOZAR DO VERÁN!

BIQUIÑOS E APERTAS MILES DAS VOSAS MESTRAS E MESTRES

QUE VOS QUEREN MOITÍSIMO

E ESTÁN DESEXANDO PODER ACHUCHAROS DE NOVO...

Pin en EMOTICONES

 ATA SETEMBRO RAPAZADA!!!





09 junio 2020

PROPOSTA PARA FACER NA CASA 22

Bo día familias!!!

Este curso tan peculiar xa está case a punto de rematar. Xa quedan tan só dez días para que chegue ao seu fin. Pouco a pouco imos entrando na normalidade da situación, e se achega xa o tan desexado verán, do que os nenos e nenas desfrutan tanto.

Tendo en conta todo isto, a proposta de hoxe estará centrada en facer unha pequena lembranza do que foi este curso no colexio, no que estivemos traballando arredor do proxecto de centro de "Planétate: pequenos xestos grandes consecuencias", lema que elixiron e propuxeron entre o alumnado, e do que fixemos un montón de actividades comúns compartindo aprendizaxes abordo deste tema.

O día 5 de xuño celebrouse o Día Mundial do Medio Ambiente, e onte o día 8 de xuño conmemorouse o Día Mundial dos Océanos, tan relacionados e importantes dentro do proxecto  que nos ocupou este curso.

1- COÑECEMOS OS OCÉANOS:

Propoñemos ver o seguinte video para poder facer con máis información a actividade proposta, aí vai o enlace:

https://youtu.be/8MH5uzxf83s



Agora que xa coñecemos un pouco máis dos océanos e xa sabemos cales son, propoñemos unha actividade coa que practicarán tanto o desenvolvemento lingüístico coma o lóxico matemático, e exercitarán un pouco a súa mente.

A actividade consiste en:

1º PASO: Escribimos os nomes dos océanos dúas veces nun folio de cores diferentes, ou ben podemos utilizar unha cor de rotulador diferente para escribir as letras de cada océano.


2º PASO: Recortamos as letras dun dos nomes dos océanos e deixamos o outro para ter un modelo. Cando as teñamos recortadas as mezclamos todas.


 3º PASO:  Colocamos cada letra debaixo da que lle corresponde para volver a formar os nomes, coma se fora un crebacabezas.


4º PASO: Agora podemos contar:
*Cantas "A" hai?
*Cantas "C" hai?
*Cantas "T" hai?
*Cantas "R" hai?...
*Comparamos: Hai máis ou menos "O" que "D"?, cantas máis hai? … así podemos facer todas as comparacións de número de letras que queiramos…


5º PASO: Por último tamén podemos intentar formar palabras novas coas letras dos continentes, coma por exemplo: andar, torta... Cales se vos ocorren?


2-CONTO CONTIÑO: "Salvaxe" de Emily Hughes.


Un pouquiño de COMPRENSIÓN LECTORA: Podedes facerlle as preguntas que queirades as vosas nenas e nenos para ver se entenderon o que nos quere ensinar o conto.

*Quen lle ensinou a falar á nena e como falaba?
*Quen lle ensinou a comer e que comía?
*Quen lle ensinou a xogara e como xogaba?
*Por que cres que a nena sentíase extraña con eses animais tan raros que apareceron un día no bosque e a levaron a súa casa?
*Estaba contenta nesa casa?
*Que fixo a nena para sentirse de novo feliz?
*Como te sentirías ti se te pasara ao revés e alguén te levara a vivir no bosque?...
Ao rematar poden facer un debuxo da nena "Salvaxe" na natureza que era onde se sentía feliz, vivindo no bosque cos seus amigos.
3- MINUTOS MUSICAIS: A continuación poden escoitar as seguintes cancións suxeridas, relacionadas co ECOLOXISMO, que espero que vos gusten:





4-CURTA "LEMON":

Deixámosvos tamén cunha curta que nos conciencia un pouquiño sobre o importante que é para a vida o coidado dos océanos, e o impacto que teñen os plásticos na natureza, por si vos apetece miralo:




Ata aquí chegaron as nosas propostas de actividades... Pero isto aínda non é unha despedida, xa que volveremos a vindeira semana para amosar o noso agradecemento pola vosa participación e colaboración. Asi, publicaremos uns vídeos nos que incluiremos todas esas fotiños que recibimos do traballo realizado polo alumnado nas súas casas en base as nosas propostas.


Que teñades boa semana!!! 
Voltamos o vindeiro venres 19 de xuño para despedir o curso!!!





02 junio 2020

PROPOSTA PARA FACER NA CASA 21

Bo día familia!

Esperamos que todo vaia moito mellor xa que somos máis libres!

Antes de comezar coas propostas queremos compartir un vídeo moi especial, sobre todo, para os nenos e nenas que cumpriron anos en maio. Parabéns!


Seguidamente presentamos as actividades desta semana:

1. FLOTA?

Experimentar coa auga nesta época do ano sempre se agradece, por iso, propóñovos unha actividade onde o uso dunha toalla pode ser moi necesario 😀

Primeiramente, debedes botar suficiente auga nunha tina, caixa plástica... Logo, seleccionade sobre 8-10 elementos que teñades pola casa para poder comprobar a flotabilidade de cada un deles. A continuación, os que queirades, podedes escribir nunha táboa como a da foto o nome dos obxectos seleccionados:


Podedes acceder á táboa e descargala premendo nesta ligazón: ARQUIVO PDF

Con todo preparado, marcamos as nosas hipóteses: SI, flota ou NON flota?


Coas hipóteses establecidas, comezamos coa experimentación e imos marcando na caixa ("casilla") de RESULTADO se flota ou non. Velaquí vos deixo o meu exemplo:


Agora que xa comprobamos e vimos o que flotaba e non flotaba... Que vos parece se aproveitamos algunhas das cousas empregadas para facer unha embarcación?

Eu propóñovos facer dúas embarcacións empregando unha mazá, un palillo e un anaco de papel...


Recomendo empregar un recipiente máis amplo para ter máis espazo para navegar e maniobrar 😉 Pasádeo ben!!!

2.- DESCUBRINDO A MENSAXE SEGREDA...

Para realizar esta actividade precisaremos unha cera branda branca, un folio ou cartolina e acuarelas ou témpera mesturada con auga. 

A colaboración dun membro da familia será esencial para conseguir un dos obxectivos desta actividade: provocar o asombro da crianza.

1º paso: un familiar deberá escribir unha mesaxe ou realizar un debuxo nun folio ou cartolina, sen que o neno/a o vexa.
2º paso: o rapaz ou rapaza comezará a pintar coas témperas/acuarelas no folio e decatarase a medida que pinta do que hai escrito ou debuxado.

Aquí vos deixo a miña mensaxe non tan segreda:


Ademais, quería compartir unha proposta de lectoescritura creativa empregando a mesma técnica. Consiste en realizar o alfabeto galego personalizado. Compártovos un exemplo:


Esquecinme dunha letra do alfabeto galego..., sabedes cal? Déixovos unha pista: o nome de ESPIÑEIRIÑA ten dúas!

Anímovos a facer esta actividade xa que resulta do máis entretida e colorida!

3.- SOMOS PERRUQUEIROS E PERRUQUEIRAS!

Para ser un bo perruqueiro e perruqueira, precisamos realizar unha formación previa para poder cortar o pelo o mellor posible.

Compártovos uns exemplos para que recortedes polas liñas seguindo a dirección das frechas:


Agora imos facer a nosa clientela da perruquería. Precisamos: 1 rolo de papel hixiénico, un rotulador e pegamento ou cinta adhesiva.


Tesoiras en man e..., a cortarlles o pelo!!!
Espero que os deixedes moi guapos e guapas!

4.- GRAFÍAS

Hai moitas maneiras de traballar a representación gráfica de números e letras, e algunhas resultan máis divertidas que outras.

1.- Empregando coches:


2.- Bandexas con arroz, pan raiado, sal, area...


Descubrir grafías: Tan só precisamos escribir letras nun folio e poñelo debaixo dun reciepiente transparente. Botar no reciepinte pan raiado, arroz..., e comezar a descubrir! A medida que destapan unha letra poden ir escribíndoa ou ó revés, tachando as letras que vaia atopando.


3.- Repasando con pasta:

 

Ademais das grafías, podemos facer outro tipo de actividades relacionadas coas mates. Exemplo: descomposición de número, anterior e posterior...



5.- A CASA DA MOSCA CHOSCA

A continuación, compártovos un conto que sei que vos gusta moito...


ATRÉVESTE CO CUESTIONARIO "MOSQUEIRO"?

- Recordas quen chegou primeiro á casa da Mosca Chosca?
- Que se celebraba na casa da Mosca Chosca?
- Saberías dicir que fixo de merendar que tan ben cheiraba?
- Que personaxe comeu toda a torta?

A maiores, se queredes, tamén podedes escribir e /ou debuxar os personaxes do conto.
Recordas a orde cronolóxica de chegada de cada un deles á casa da Mosca Chosca?

Por último, despedímonos cunha videomontaxe elaborada por Alfonso a partir dos vídeos que nos mandastes de #DígochoEu: proposta do cole para celebrar o Día e Mes das Letras Galegas!


Volveremos con máis novas o martes 9 de xuño...

Pasádeo mooooi ben!

Unha aperta! 




26 mayo 2020

PROPOSTAS PARA FACER NA CASA 20

BOOO DÍAAAAAA FAMILIAS!!

Xa entrados na FASE II desta desescalada, podemos ir pouco a pouco e con moito sentidiño, voltar as nosas vidas... A verdade é que somos afortunados de vivir nesta zona, onde este becho noxento quedou as portas e só conseguiu infectar a unha minoría... Así que moito ánimo: #EstamosConseguíndoo; #SairemosXuntosDisto; #ImosRematarConEl...

Aquí vos deixo as propostas para esta semana...

1. CONTO CANTADO, CONTO CONTADO 

Hoxe imos cantar o conto "El león remolón" da man da música de Susa Herrera, que ben sei que vos encanta... Espero que o desfrutedes...



2. AO RITMO DO KOKOLEOKO

Imos trasladarnos ao continente Africano, para aprender esta canción tradicional de Ghana, acompañándoa con percusión corporal. Esta é a letra... É moi sinxela...

KOKOLEOKO, MAMA KOKOLEOKO
KOKOLEOKO, MAMA KOLEOKO

ABA MAMA, ABA
ABA MAMA, KOLEOKO

E aí vai a percusión corporal...


Ensaiadea na casa para cando voltemos a vernos poidamos cantala e tocala tod@as xunt@s. Podedes mandarnos os vosos vídeos aos correos das aulas, ensinándoos o ben que o estades a facer...

3. "BAILANDO POR MIEDO" - PAUL KLEE



Imos converternos en verdadeir@s especialistas en arte analizando esta obra de PAUL KLEE. 
  • Ensinámoslle o cadro aos nen@s e comezamos un diálogo: Que vedes?, Que figuras hai?, Estades de acordo con que isto é un triángulo? Por que sabemos que unha figura é ou non un triángulo? Parécese máis a un rectángulo? En que se diferencian os cadrados dos rectángulos?...
  • Deste xeito, analizando e comparando vanse recoñecendo as diferentes figuras planas. Isto nos levará a preguntas como: Cantas figuras hai de cada tipo?, Hai máis rectángulos ou triángulos?...
  • Aproveitamos para iniciar un reconto da cada figura e anotamos a cantidade nunha taboa como esta. Loxicamente, se compara que figura aparece máis veces e cal é a que aparece menos.

figuras
Nº de veces que aparece
Medio círculo

Triángulo

CUADRADO

CÍRCULO

RECTÁNGULO

     
  • A conversación continua e seguimos preguntando: Quenes poden ser estos personaxes?, Que fan?, Que lles pasa?, Onde están?...  Pedímoslle aos nen@s que imaxinen e inventen posibles títulos para esta obra, por exemplo: "O baile das figuras", "A terra dos cadrados", "O país fantástico"...
  • Agora e cando lle decimos o título que lle puso o autor "Bailando por miedo" e comezamos outro diálogo: De que poden ter medo estos personaxes? Bailar axuda a quitar o medo? Que os da medo a vós? Que facedes cando tedes medo?...
  • Poñemos un fragmento musical dos que utilizaba Paul Klee para pintar e tocar co seu violín, porque ademais de pintor tamén era violinista, e que @s nen@s se convertan nos personaxes do cadro e que bailen e se movan ao son da música como el@s


4. CREACIÓN PLÁSTICA INSPIRADA NO CADRO ANALIZADO 

-  Pintamos o fondo do que será o noso cadro cunha esponxa ou rolete mollado en pintura marrón.
Cada nen@ ten que elexir as figuras que queira para o seu cadro. Para iso poden debuxar as figuras, contornear obxectos con esas formas oo facer estampacións. A continuación quen queira pode pintalas e, por último, recortamolas.
-  Colocamos as figuras enriba do papel pintado para que, antes de pegalas os nen@s: 
  • as distribúan de maneira uniforme,
  • deixen sitio para colocarlle a cabeza, os brazos e as pernas.
  •  as coloquen en distintas posicións as habituais para favorecer o movemento.
- Neste momento retiramos a lámina da vista do nen@, xa que se trata de facer unha composición propia. Voltamos a poñer a música que Paul Klee utilizaba para pintar, xa que el "pintaba música, fantasía e movemento" e deixámonos levar...
- @s nen@s completan a súa creación con pinceis e pintura negra, de forma que mediante liñas rectas, curvas, largas, curtas... as figuras vanse transformando en personaxes.
- Para rematar, cada nen@ escribe o título que lle puxo a súa obra e firma co seu nome e o apelido KLEE.




5. TRABALLAMOS A SERIE NUMÉRICA 

Imos crear o noso propio material para traballar a serie numérica. Para iso precisamos 11 tapóns de botellas ou bricks que normalmente usamos na casa e pondrémoslle os números do 0 ao 10, cada un como queira: escribíndoos cun rotu permanente, con números de goma eva, de fieltro... Tamén podemos crear unha base e pegar onde se enrosca o tapón, así o nen@ tamén estará traballando simultaneamente a psicomotricidade fina. Algo similar a isto:
 

Unha vez elaborado comezamos a formar a serie numérica ascendente e descendente (contando cara atrás como o foguete), buscando os veciños dos números, podemos deixar ocos para que completen cos que faltan, desordenala serie e que atopen o erro... e ata podemos compoñer os números do 11 ao 19. Moito coidado cos tramposos ou mentirosos (dez e un, dez e dous, dez e tres, dez e catro e dez e cinco). Aquí vos deixo varios exemplos das actividades:




E xa para os máis traballadores e do mesmo xeito, podemos crear o abecedario coas letras pegadas ou escritas nos tapóns e xogar a formar mensaxes segredas. Por exemplo:



Por último deíxovos, por se alguen non o viu todavía, o "VÍDEO DOS MAIOS" que realizou Alfonso coas aportacións realizadas por todas as familias do colexio que quixeron participar. A verdade e que quedou un traballo moi "chulo"... 


MOITAS GRAZAS FAMILIAS!! 

Sen a vosa colaboración todo isto non sería posible...

BICOS e APERTAS MILES...

E ATA A VINDEIRA SEMANA...!!