"COMER BIEN ES DIVERTIDO"

Hoxe, recibimos a visita de tres rapazas do proxecto "Comer bien es divertido" (en colaboración coa AECC, Asociación Española Contra o Cancro).

 Foi unha experiencia moi divertida que nos permitiu descubrir a procedencia  dos alimentos e algunhas das súas características tocándoos e manipulándoos...

observándoos...

 e xogando coa nosa creatividade

Tamén aprendemos que é importante seguir unha  alimentación equilibrada e facer alomenos 5 comidas diarias. Para iso, xogamos a elaborar algúns menús diarios

E a dicir verdade, non nos quedaron nada mal!! Mirade que variedade!!!

A ONDE TEÑO QUE IR MERCAR?

Hoxe, Nicole tróuxonos un anaco de biscoito que fixo coa súa nai. Como estamos a traballar os alimentos aproveitamos para familiarizarnos con distintos postos que hai nos mercados: froitería, panadería, peixería,... e chegamos á conclusión de que se quixeramos mercar un biscoito como o dela teríamos que ir á panadería ou pastelería.
Por iso, escenificamos algúns xogos de rol facendo de panadeiros e clientes, e fixemos uso dalgúnS instrumentos para pesar, como a "balanza" e utilizamos "diñeiro" para poder mercar.

Pasámolo moi ben!!!

"ESTAMOS FEITOS UNS AGRICULTORES"

Despois do gran éxito da nosa primeira experiencia plantando landras...

...esta semana decidimos continuar a nosa faceta como agricultores e preparar uns semilleiros con diferentes cultivos: leitugas, chícharos, pementos e feixóns.

Este foi o proceso que seguimos:

Participamos así,  no cultivo de alimentos saudables sendo espectadores directos do seu crecemento e desenvolvemento.

Posteriormente, formarán parte da nosa hortiña particular do colexio e trala súa recolleita estimularán os nosos sentidos facéndonos desfrutar de olores ,cores, formas, texturas e  sabores diferentes.

Iniciamos así a nosa formación no programa de "Comer bien es divertido " que terá lugar nas próximas semanas.

UN ZUME RICO RICO!!

Despois do noso primeiro contacto cos sabores, propuxémonos ampliar a nosa experiencia e trasladala ao campo culinario. Deste xeito elaboramos un zume de multifroitas no que mesturamos : fresas, kiwis, plátanos, laranxas, uvas, mazás...e moitas máis!

Colaboramos en todo o proceso e axudámonos dunha licuadora para aproveitar ao máximo as froitas

Pero o mellor de todo.....O resultado!!!!!mmmmmmmmmm rico, rico!!!

A QUE SABE...?

Sabemos que os alimentos son imprescindibles para poder medrar fortes e sans pero non sempre reparamos no seu olor, tacto ou sabor. Por iso quixemos pór a proba os nosos sentidos e adiviñar qué alimentos estabamos a ulir, tocar e degustar.

O ácido (da laranxa e o limón),o amargo (do pomelo e chocolate negro), o doce (do chocolate e o plátano) e o salgado (das pipas), son os 4 sabores básicos que intentamos discriminar.

Foi moi sinxelo adiviñar que alimento era pero non tanto o seu sabor.Pasámolo moi ben!e descubrimos alimentos que non coñecíamos coma o "pomelo"

Unidade Dos Alimentos, Xogos Interactivos

Hoxe comezamos a Unidade dos Alimentos con este xogo de orientación espacial do Proyecto Agrega. Trátase dun xogo moi divertido onde teremos que orientarnos no supermercado para buscar a un pequeno e simpático amigo, pesar alimentos nunha báscula... pincha sobre calquera dos enlaces situados nas palabras sinaladas e nas imaxes e practicade na casa.

En el blog: http://garachiconclave.blogspot.com/ hemos encontrado también   un juego fantástico creado por el Proyecto Medusa del Gobierno de Canarias. Con él podremos repasar el vocabulario de las tiendas y además la alimentación saludable.
Como ya nos informan en dicho blog, se trata de ir al mercado, podemos elegir 18 productos que iremos colocando en el carro. cuando hayamos acabado pasarán por una máquina que nos evaluará. El juego es muy educativo para analizar las dietas del alumnado.