DÍA DA POESÍA: 21 de marzo

Elaboramos un abano cos versos do poema "A primavera"

E finalmente, recitámolo na biblioteca aos demais compañeiros/as:

SAÍDA A CANGAS

O pasado mércores 26 de marzo, realizamos unha saída a Cangas onde visitamos o Auditorio para ver a obra de teatro en inglés "Emperor´s new suit".

Nun momento determinado,os actores seleccionaron algúns colaboradores de entre os que se encontraba un compañeiro noso, Miguel de 1º E.P:

E tras o espectáculo, camiñamos polas rúas de Camgas ata chegar ao Mercado.

Alí visitamos os diferentes postos: carnizarías, peixerías, froitarías,...

E para finalizar a xornada, a degustación duns deliciosos amorodos por cortesía da froiteira Merche. Grazas!

SEMANA DA PRENSA

Do 10 ao 14 de marzo conmemoramos a semana da prensa iniciándonos no uso do xornal: como é,  para qué serve, como se presentan as noticias e os seus titulares,...

... e creamos, nós mesmos/as,titulares a partir de fotos que buscamos no xornal.

NA BARRIGUIÑA DE MAMÁ

Grazas á colaboración dunha mamá, puidemos ver en 4D as imaxes e vídeo dun embrión de 4 meses!!!

Foi unha experiencia marabillosa; pero, sen dúbida, o que máis nos impresionou foron os latidos do seu corazón: "Parecía unha carreira de cabalos"!!

Aquí vos deixamos un  anaquiño do vídeo e as nosas impresións.

PREPARADOS PARA O ENTROIDO!!!

Xa estamos rematando os preparativos para celebrar este Entroido!
A temática deste ano queríamos relacionala co Proxecto do cole: "As plantas". Para ampliar a variedade dos disfraces, seleccionamos diversos elementos da Fraga.
Nós eleximos "Os Cogomelos" que xa están case listos para desfilar!!!!