Visita ao supermercado e obradoiro de cociña

Fai moi pouco propuxémonos convertirnos en auténticos cociñeiros e realizar un biscoito de iogur. Aproveitamos as moitas posibilidades que nos da a cociña para aprender e desfrutamos realizando cada un dos pasos necesarios para levalo a cabo.

Así que o primeiro paso foi coñecer a lista dos ingredientes necesarios e, para conseguilos... realizamos unha visita ao supermercado!! Alí tivemos que atopar todas as cousiñas que nos fixeran falta para o noso biscoito e poder poñernos mans á obra. Velaí van algunhas fotos nas que nos podedes ver comprando...

  

 

Unha vez conseguida a materia prima, chegou o momento de poñernos mans á obra... Así que fomos de cabeza á cociña para realizar o biscoito e, xa que estábamos, unhas deliciosas brochetas de froita que estaban riquísimas... e que non duraron nin un asalto!

Aquí estan os nenos e nenas de 5 anos...

        

 

 

  

E aquí os de 3 e 4:

   

  

  

    

  

E unha vez cociñado o biscoito, quedaba a mellor parte... comelo!!

 

   

  

Que aproveite!!! 

Visita ó Parque do Castro de Vigo e ó teatro!

O pasado 19 de febreiro saímos do cole ben abrigad@s e list@s para pasar unha mañá diferente en Vigo. A primeira parada que fixemos foi no Parque do Castro, onde merendamos e gozamos dos seus espazos e das súas vistas! 😍

Unha vez deixamos atrás este lugar máxico e cheo de historia, puxemos rumbo ó teatro para desfrutar da obra "A nena e o grilo nun barquiño".

Chegamos ó cole moi ledos e con gañas de repetir a experiencia! 😃

O poder dos 3 Rs: reducir, reutilizar e reciclar!

Como toma de conciencia para protexer o noso planeta, puxemos en marcha este proxecto de traballo sobre "os tres Rs" dende comezo deste curso. Primeiro de todo comezamos elaborando as nosas papeleiras a partir de caixas de cartón, pintura (verde, azul e amarela) e recortes de revistas. Deste xeito, traballamos sobre que residuos botar en cada unha delas:

 

Reutilizamos distintos materiais para facer unha exposición de xoguetes sen necesidade de mercalos:

Probamos a nosa puntería:

E realizamos un mural representativo de como estaría o noso planeta se día a día tivéramos máis en conta O PODER DOS 3 Rs!

Saída a Pontevedra: Circopeta!

O pasado 30 de novembro realizamos a nosa primeira saída escolar en autobús deste curso e o vivimos con moitísima ilusión e ledicia. Este deixounos xunto a alameda de Pontevedra e, pese a que ía moito frío, o día soleado permitiunos desfrutar dun bo anaco de tempo xogando libremente no "Parque das Palmeiras" (detrás do edificio da Deputación).

 

Fixemos unha breve parada xunto as estatuas dos músicos da Praza de San Xosé, intres antes de entrar ó teatro.

Xa no auditorio, pasámolo moi moi ben! Aprendimos diferentes formas de facer música e rimos moito grazas as argalladas e tolerías dos protagonistas de Circopeta.

Pronto realizaremos máis saídas tan divertidas coma esta!!! Manterémosvos informadas e informados! ;)