PROPOSTAS PARA FACER NA CASA 4

Bo día familias!

Como este periodo de confinamento vai ser máis longo do que contabamos, deixamos a vosa diposición os correos das tres aulas de infantil para que, quen o desexe, poida poñerse en contacto cos titor@s e, de forma individualizada, comunicar posibles dúbidas e suxestións.

• 3anosespinheira@gmail.com
• 4anosespinheira@gmail.com
• 5anosespinheira@gmail.com

Xa pasaron moitos días dende que non falamos… Pola nosa parte queremos seguir propoñendo actividades, que se vos apetece podedes realizar na casa...

1.- CHEGOU A PRIMAVERA:
 

No Hemisferio Norte, ás 4:49 hora española, do venres 20 de marzo ao sábado 21 de marzo chegou a primavera... e aproveitando que este mesmo día foi o "Día da Poesía", propoñémosvos que lles leades este poema:

O ARCO DA VELLA de Manuel María

O arco da vella

no ceo subido

co seu colorín

co seu colorido.

O arco da vella

con sete colores

que teñen, no ceo,

belezas e flores.

O arco da vella

no ceo chantado,

co seu colorín

co seu colorado.

O arco da vella

é un arco triunfal

con sete guerreiros

que a ninguén fan mal.

O arco da vella

de luz feito é.

Resulta un milagre 

que siga de pé!

A continuación, segundo a idade, podedes escribir algunhas palabras significativas do poema en código morse e intentar descifralas. Tamén podedes prepararlles mensaxes con este código, que el@s mesm@s cun pouco de axuda, descifrarán como auténticos detectives, como o superheroe Batman!

E para finalizar, compartimos a canción deste precioso poema:

 2.- DÍA DA ÁRBORE: 

O sábado 21 de marzo  foi o "Día da Árbore". No vídeo que vos propoñemos para ver en familia, saen as árbores que dan nome as nosas aulas. A ver se as atopades: Carballo 3 anos, Figueira 4 anos e Cerdeira 5 anos (ao mellor non salen todas...).

"Nana das árvores" (Cantiga con letra de Anxo Moure e música de Servando Barreiro).

As nen@s poderán facer un debuxo da súa árbore preferida, plantar unha pranta ou unha legume nun bote de iogur cun algodón empapado en auga (lentellas, xudía brancas ou garabanzos)... Nuns días verás como comezan a brotar as semillas...

Lembrade quitar fotiños!!!

Como estarán esas cenorias e leitugas do invernadoiro do colexio...?

3.- UN POUCO DE ACTIVIDADE:

Propoñémosvos tamén un pouco de actividade... Sempre está ben mover un pouco o esquelete!

SALTO DE LONXITUDE NA CASA: Tan só necesitas un pouco de fita adherinte de cores.

4.- CONTO CONTADO: 

Non pode falta o ratiño do conto, tan esencial para facer voar o maxín e a creatividade d@s pequerrech@s. Propoñemos para hoxe "O coelliño branco", pero nesta páxina podedes atopar outros moitos contos...

Contos contados. KalandrakaTV 

QUE PASEDES UN DÍA XENIAL EN FAMILIA!

 

PROPOSTAS PARA FACER NA CASA 3

Bo día familias:

Xa estamos no noso terceiro día sen cole... Nós seguimos enviándovos propostas, para que de forma voluntaria, poidades facer na casa coas vosas fillas e fillos.

1.- CONTOS EN PIXAMA: Como ben sabedes, nesta etapa educativa non poden faltar os contos así que aquí temos novas propostas... Escribindo Contos en pixama en Google, cada día atoparedes un novo conto da editorial OQO, da man da Gravata Torla para que poidades ver, escoitar e desfrutar en familia. Aquí vos deixamos o enlace ao primeiro conto:

2.- ACTIVIDADES RELACIONADAS CO PROXECTO: Cada nen@ elexirá a un superheroe ou superheroína e realizaredes un traballo de investigación en familia sobre el/ela: nome do superheroe/ína, identidade segreda, símbolo ou logo, superpoderes, debilidades, villanos ou inimigos... Con todo o investigado e recollido (debuxos feitos polos nen@s, palabras escritas a súa maneira ou copiadas, debuxos coloreados...)  faredes unha pequena presentación ou "ficha técnica" onde queden todos estos datos recollidos. Ao reanudar o cole traeremos tamén esta pequena presentación... 

3.- MASA SENSORIAL: PLASTILINA CASEIRA:  Utilizamos unha taza ou vaso duns 200 ml.

- 3 tazas de fariña.

- 1 taza de sal fina.

- 1 taza de auga.

- 2-5 culleres soperas de aceite vexetal ou xirasol (3 culleres para comezar e vai añadindo segundo necesites).

- Opcional: 5/8 gotiñas de aceites aromáticos (lavanda, xeranio...) 

O primeiro é moer o sal. Despois se lle engade a fariña, a auga e o aceite. Unha vez amasada, divídea en 2 ou 3 partes e, para darlles cor, podes mesturalas con pimentón, cúrcuma, eneldo, perixel... tamén podes utilizar colorante alimenticio, pero ten en conta que mancha moito, aínda que despois sae ben. Para conservala é importante que non lle dea o aire para que non se reseque, polo que a mellor idea é gardala nun bote con tapa.

4.- BISCOITO: Despois da lectura do conto de Cocorico, que está entre as propostas de onte de Aulas Galegas para 3 anos, que mellor forma de pasar esta "ponte obrigada" que cun rico biscoito, como o que Mamá Galiña lle fixo ao seu fillo Cocorico...

RECEITA SEGREDA DO BISCOITO DE COCORICO

(manter en segredo)

- 1 iogur natural ou de limón.

- 3 ovos de pitiñas criadas en liberdade.

- 3 medidas de iogur de fariña.

- 2 medidas de iogur de azucre/panela.

1 medida de iogu de aceite de oliva.

1 sobre de fermento.

Xuntamos o fermento coa fariña nun recipiente. Noutro metemos o resto dos ingredientes que batiremos e aos que lle iremos incorporando progresivamente a fariña mezclada co fermento. Unha vez conquerida unha masa homoxénea, introducímola nun molde e ao forno, que estará precalentado, sobre 40/45 minutos.

A pesar de ser unha receita segreda e infalible, podedes probar variacións sobre ela.... Sexa como sexa, feito con gusto e amor sairá sempre xenial!!!

                                           Bo proveito, moito ánimo e ata o luns....  

                                            Picotí, picotá, ai que rico, Cocorico.

                                            Picotí, picotá, ai que rico, rico está...

PROPOSTAS PARA FACER NA CASA 2

1.- EXPERIMENTOS

Actividade que ten moito éxito entre os nenos e nenas e coa cal conseguiremos pasar un rato divertido e entretido, provocando o asombro dos máis peques.

Por unha banda, compartimos un que se fixo viral estes días...

Por outra banda, deixámosvos outros para esquecernos da problemática actual...

2.- ACTIVIDADES RELACIONADAS CO PROXECTO.

Como ben sabedes, un ben preciado nestes días é o papel hixiénico 😉. Nós non vos vamos a pedir que destraguedes o papel, pero si que conservedes o cartón para poder realizar actividades "chulas" de superheroínas e superheroes como a seguinte:

- Realización dun BRAZALETE. Velaquí compartimos algúns modelos:

3.- ACTIVIDADES MOTORAS

Podemos xogar a:

- encestar cousas nun cubo,

- pasar a pelota ou globo sen que nos caia, con variantes como contar...

- facer carreiras saltando de diferentes maneiras, con sacos, levando algo na cabeza...

- xogo das estatuas musicais,

- escondite inglés,

- ás agachadas, 

- etc.

Na seguinte imaxe amosamos outras ideas de xogos empregando a cinta de carrocero:

Despois do xogo propoñemos unha actividade de volta á calma. Por exemplo: Ioga para nen@s.

Compartimos tamén a publicación de Pequefelicidad que integra 50 actividades para facer con nenos e nenas na casa, sen necesidade de empregar as pantallas.

Por último, comentarvos que premendo nas seguintes ligazóns, poderedes acceder a unha páxina web educativa que actualizará actividades diariamente para nenos e nenas de Educación Infantil (3, 4 e 5 anos).

 http://aulasgalegas.org/ 

- Infantil 3 anos

- Infantil 4 anos 

- Infantil 5 anos 

Seguimos en contacto familias... Ánimo!

PROPOSTAS PARA FACER NA CASA 1

Ola familias!

Recuperamos este blogue para compartir algúns recursos que poden ser de interese para estes días onde todos temos que estar na casa.

Engadir que as seguintes propostas son de carácter opcional. O que pretendemos é facer un pouco máis amenas as xornadas na casa programando actividades de diferentes temáticas, partindo por suposto, do xogo:

1.- Podemos comezar uníndonos a iniciativas como #TODOVAISAIRBEN ou #DENDEAMIÑAVENTÁ, que persegue mandar unha mensaxe de optimismo ante o avance do Covid-19 a través dos debuxos realizados pol@s pequen@s da casa. Para iso, cada nen@ pegará a súa obra na ventá da súa casa, deixando mensaxes como #QUÉDATENACASA, #TODOIRÁBIEN, #EUQUEDONACASA... Cando remate esta situación traerémolos ó cole e faremos unha gran exposición 😀

2.- Conto para narrar e colorear: MISIÓN QUEDARSE EN CASA. Coa finalidade de explicarlles ás crianzas dunha maneira amena, a situación na que nos atopamos e o motivo polo que temos que estar nas nosas casas. E, cando isto remate, obteremos a recompensa.

Podedes descargalo AQUÍ

3.- Pandemia de contos: Sabes contar ata cero? Aprende a seguinte canción da man de Avelino González:

 

Nos vindeiros días seguiremos publicando propostas novas e con temáticas diferentes...

Un saúdo e moito ánimo familias!!!

Samaín e Magosto

O outono está cheo de festas que nos encantan, xa que representan diversión, compañía, cultura, tradición... Nas aulas realizamos moitas actividades vinculadas con estas datas: recollida de follas (cor, tacto, semellanzas...), froitos secos, cabaciñas, cores do outono, roupa...

Clasificamos froitos de outono.

Coloreamos pedras.

Traballamos a lectroescritura con algunhas palabras clave.

Unha das festas que máis éxito ten é o Samaín, xa que nos resulta terroríficamente divertido! Debido a que este curso estamos moi metidos no tema das emocións e das 7 artes, que mellor maneira de comezar a traballar a emoción do medo que coa chegada do Samaín/Halloween!

- Un agasallo en forma de conto:

- Portas decoradas con seres malvados:

 

- Obradoiro de maquillaxe:

 

 

 

- Mocos terroríficos:

- Celebración Samaín:

 

  

Fotos coa exposición das cabazas.

- O berro de Edvard Munch:

Outra das festas que nunca pode faltar na Espiñeira é o magosto. Este curso contamos máis que nunca coa participación das familias, que nos ensinaron o funcionamento dos diferentes xogos tradicionais galegos: