BENVIDO 2017!

Comezamos un 2017 con optimismo e moitas ganas de seguir aprendendo! Esperamos con ansias todo o que está por vir!!!

APERTAS!

ANIVERSARIOS 1º TRIMESTRE!!!

Aniversarios 1º trimestre - Kizoa Editar Videos - Movie Maker

SI Ó BO TRATO! BICOS!!!

O día 25 de novembro realizamos unha saída a Cangas cun motivo máis que xustificado: a loita contra a violencia de xénero e promoción do bo trato.

Para algúns e algunhas foi a primeira saída que realizaron co cole, e a expectativa e ilusión vivida foi máxima.

 Esta foi a nosa gran actuación!



E aínda tivemos tempo de merendar e pasalo moi ben no parque da alameda de Cangas:

 

Porque nós dicimos NON Á VIOLENCIA! e si ó BO TRATO! Así, mandámosvos moitos bicos saudables, agarimosos, redondos, de cores... e moito ánimo a aquelas persoas que xunto a nós loitan cada día contra este tipo de inxustizas. Xa que como ben dixo o gran Eduardo Galeano...

"Moitas persoas pequenas, en lugares pequenos, facendo cousas pequenas, poden cambiar o mundo".

A nosa festa do outono: O Magosto!

Polo San Martiño foi a celebración do noso particular Magosto na Espiñeira, o cal estivo cheo de xogos populares ou tradicionais galegos cos cales o pasamos xenial!!!

Comimos riquísimas castañas e de recipiente empregamos os nosos persoais cucuruchos!

Que festa de outono tan divertida!!!

Ademais da festa, tamén aprendimos outras particularidades do outono mediante xogos varios: no ordenador, consultando libros, poñendo en común o que sabiamos cada un/unha de nós... e facendo actividades plásticas, como por exemplo, murais representativos.

 

"QUEN TEN MEDO? NÓS NON!!!" - UN SAMAÍN TERRORÍFICO NA ESPIÑEIRA -

A finais de outubro, decidimos involucrarnos na celebración dunha das festas que máis nos gustan do cole: O SAMAÍN ou HALLOWEEN.

Despois de investigar, descubrir o significado de "samaín" e de coñecer máis acerca desta tradicional festividade celta... Puxémonos man á obra, e decidimos colaborar na decoración do cole e da nosa entrada da aula. Encántannos estas cousas!!!

Tamén fixemos actividades un tanto "pringosas" que nos gustaron moitísimo facer! Aquí unha mostra do moco de Samaín-Halloween que fixemos:

- Se queredes a receita, só tedes que preguntar ;)

O día 28 de outubro, celebramos esta festa por tódolo alto dende primeira hora da mañá. O primeiro que fixemos, foi pasar polo chamado "túnel do terror", o cal estaba cheo de cousas que "daban medo", pero nós fomos moi valentes e non conseguiron asustarnos. Ó chegar á biblioteca (despois de pasar o túnel) agardábannos para contarnos un conto de Samaín o alumnado de 5º e 6º de Primaria do cole.

Ós nenos e nenas de 3-4 anos, o alumnado de 6º de Primaria contáronnos o conto chamado "Sacapenas" e, ós de 4-5 anos, os nenos de 5º de Primaria léronnos o conto de "Corre, corre cabaciña".

Grazas polo detalle! Gustáronnos moito os contos!!!