SAÍDA CAMPO LAMEIRO

Como remate final do noso proxecto da Prehistoria fixemos unha fantástica visita ao "Parque arqueolóxico de Arte rupestre" de Campo Lameiro. Unha experiencia chea de aventuras e descubrimentos sorprendentes!! Regresamos a casa como auténticos prehistóricos tatuados e cheos de arte!!!!!!

SAÍDA "A RUTA DOS MUÍÑOS" (O BOSQUE ENCANTADO)

O pasado 26 de maio iniciamos unha aventura chea de misterios, pistas e tesouros polo Bosque Encantado de Aldán!

Espiñeiriña xa había uns días que nos enviara unha carta felicitándonos pola nosa investigación no proxecto da "Prehistoria" e premiounos cun xogo de pistas que nos conduciría cara un premio moi apetitoso...unha gran merenda en plena natureza!!

Antes de comezar a aventura, Espiñeiriña retounos a investigar sobre o millo e os muíños.
Para documentarnos mellor  visitamos aos que máis saben sobre o millo...o alumnado da idade moderna.

Gracias a esta previa investigación obtivemos a información necesaria para resolver as pistas e adiviñas e comezamos por aprender a plantalo.

O día da saída foi moi emocionante, e tivemos uns grandes coñecedores e guías; grazas Luis e Reyes por acompañarnos nesta gran aventura!! 

CORRELINGUA 2015

O pasado mes de maio realizamos unha saída a Bueu para a celebración do Correlingua.

Tivemos a oportunidade que xogar con xogos tradicionais do máis variado e divertidos.

E seguidamente comezou o tan esperado concerto de Paco Nogueiras que foi todo un éxito, e non defraudou nin a grandes nin pequenos!

VISITA SORPRESA

A semana pasada, recibimos a visita do alumnado de 1º e 2º de Primaria que nos sorprenderon cun conto moi simpático e coa súa mascota!

Despois xogamos á caixa sorpresa, onde tiñamos que adiviñar, a través do tacto, as cousas que escondía no seu interior.

E entre outras, agochaba unha doce sorpresa que lles agasallamos con moita ilusión.

Agardamos repetir pronto esta experiencia!!

O MALETÍN CIENTÍFICO XA ESTÁ EN CIRCULACIÓN!

A ciencia xa chegou á clase de 3 anos, e non pensa marchar!!!

Xa está a viaxar polas casas o  "maletín científico" con experimentos que, sen dúbida, non nos deixarán indiferentes. Esperemos gocedes desta experiencia na compaña dos vosos fillos/as que, coma sempre,  serán os principais protagonistas.