PROPOSTAS PARA FACER NA CASA 19

Bo día familias¡:

Agardamos que siga todo ben polas vosas casas. Estamos un día máis convosco para seguir coas propostas, en vista de que vai ser imposible incorporarse ás aulas ata o mes de setembro. Xa chegou a calor¡, e iso fai que na medida do posible poidamos disfrutar máis do aire libre, cousa que xa botábamos de menos¡

Comezamos:

1- ANIMAIS FEITOS COAS NOSAS MANS:

Propoñémosvos para comezar una actividade na que exercitarán a destreza coas súas mans, e conseguirán resultados asombrosos debuxando animais. Envíovos a imaxe do video para que poidan realizar a actividade:

O video vai moi rápido e terán que ir parándoo para poder realízalo e seguir os pasos, pero seguro que conseguen facer verdadeiras obras de arte coas súas propias mans e obterán debuxos moi orixinais e creativos. Podedes ver o resultado a continuación. Animádesvos a probar!!!

Cando estean rematados poden escribir o nome do animal (cada un como saiba) e incluso se poderían recortar e facer un mural para crear un cadro coas súas obras de arte. Con esta actividade traballarán a psicomotricidade fina, a lectoescrituta e sobre todo a conciencia estética.

2- MENSAXE SEGREDA:

A actividade consiste en facer un experimento científico, para aprender que o ácido reaciona coa calor e que podemos escribir mensaxes segredas, que cando sube a temperatura poderemos descifrar. Para explicalo temos aquí a dúas voluntarias:

O experimento tamén se pode realizar con limón en vez de con bicarbonato, e tamén se poden substituir os pauciños para os oídos, por un pincel, co que poderán debuxar a mensaxe que eles e elas queiran. Que mensaxe segreda escribíchedes?

3- VAI DE FLORES: 

A continuación vos propoñemos unha actividade con flores, aproveitando a gran variedade que se poden atopar nestes intres:

1º Clasificación por cores: poderán observar que os talos e as follas de todas son de cor verde, sin embargo hai gran variedade nos pétalos, onde atopamos moitísimas diferencias. Así faremos conxuntos por cores.

 2º Podemos facer series de cores coma a do exemplo: amarelo, rosa, lila e branco- amarelo, rosa, lila e branco…

3º Podemos comparar os talos e practicar os conceptos groso-delgado.

4º Podemos comparar as follas e comprobar que teñen formas moi diferentes.

5º Podemos aproveitar para traballar lóxica-matemática,  a serie numérica,  a suma e a resta e outros conceptos espaciais: poñendo 4 flores amarelas, 5 lilas, podemos quitar algunha para ver cantas quedan (resta), engadir máis e contalas(suma), ir quitando dunha en unha para traballar a serie numérica descendente, ou ir engadindo dunha en unha para traballar a serie numérica ascendente, cal está antes da lila?, e despois da lila?... cal é a última, cal é a primeira, cal está no medio..., en fin todas as preguntas que se vos ocorran ou vaian xurdindo a medida que se xoga con elas.

Para rematar esta actividade se poden desecar as flores meténdoas en papel de periódico para que perdan a auga, poñéndolles peso enriba para prensalas, cuns libros por exemplo. Ao cabo de un día ou dous xa estarán secas de todo, e se poderán empregar para decorar algunha libreta ou algunha caixa, é dicir, como actividade plástica. Botándolles cola líquida por riva, se conservarán e poderedes adornar o que queirades, e tamén é unha maneira de reutilizalas antes de que se marchiten. Este é un exemplo de como quedarían. As caixas forradas con cola e papel de rolo de cociña, con cola líquida extendida con pincel, e con flores secas con cola líquida pegadas, tamén quedan preciosas. Co voso maxín, e con diferentes tipos de papéis e materiais, seguro que conseguides creacións estupendas. Podedes inténtalo se vos apetece!!!

Tamén podemos aprender algúns nomes de flores comúns que se atopan na nosa zona: dentes de león, rosas, calas, margaridas, claveis,... Deixámosvos o enlace dun xogo de memoria para que aprendan algunha:

 https://h5p.org/node/769161



4- VASOS MUSICAIS:

Que vos parece se aprendemos a facer unha escala musical con vasos de auga? Hai que enchelos gradualmente dende o máis cheo ao menos cheo. Así diferenciarán entre sonido grave e agudo. Déixovos un video onde se fai con vasos de tubo, que parece que soa máis agudo, pero tamén os deixo uns videos persoais, para que aprendades as notas musicais. Espero que vos guste e a practicar un pouquiño!!!

Podedes inventar vos mesmos unha canción co ritmo que queirades utilizando as diferentes notas se practicades un pouco.

Esta canción non saiu moi ben, pero pensade que se eu podo facer isto na primeira proba, imaxinade o ben que o poderedes facer vós. En YouTube hai máis videos para practicar se queredes. E coidado cos vasos!!! Non lle deades moi forte!!! Ha ha ha.

5- CONTO CONTIÑO, HOXE TOCA...: " Carabuñas".

Esperamos que vos guste!!!

E agora toca un pouquiño de comprensión lectora, a ver se sodes quen de responder ás seguintes preguntas:

* A que se dedicaba Carabuñas?

* Onde vivía?

* Por que se chamaba Carabuñas?

* Que ingredientes usaba para facer as súas pócimas?

* Que camino tiña que facer para chegar a aldea?

* Que ía facer á aldea as noites de luar?

* A quen viu na ventá da súa casa unha noite e como tiña a cara?

* Como conseguiu subir a casa da nena?

* Por que se espertou a nena cando Carabuñas se acercou a súa cama?

* Como lle chamaba a nena?

* Como lle dixo a nena que tiña o nariz? E os dentes? E os ollos? E o pelo?

* Por que Carabuñas non podía comer cativos? Que lle pasou cando lle lambeu a cara á nena?

* Que fixo Carabuñas entón?

* Que buscou no baúl vello do faiado?

* Poderíades contar vós que pasou ao final do conto.

NON ESQUEZAS MIRARTE, DE CANDO EN VEZ, NUN ESPELLO (por fora e por dentro).

Agora poderíades facer un debuxo do conto escribindo o título, que seguro que vos queda xenial!!!

6- A MOVER O CORPO!!!:

Xa sabedes a importancia que ten mover o corpo un pouquiño cada día, así que hoxe vos propoñemos a seguinte actividade de psicomotricidade grosa. Explícoa nun video para que se entenda mellor:

Hoxe xa toca despedirse ata a semana que vén. A partir de agora, que xa está aquí o bo tempo, e xa poden sair da casa máis que antes, creemos que unha proposta semanal será suficiente pois os nenos e nenas xa comezan a estar máis revoltos, porque xa case está chegando o final do curso. Xa sabedes que nos tedes nas direccións de correo electrónico para o que precisedes.

            UNHA APERTA MOI GRANDE E GRAZAS POR ESTAR AÍ FAMILIAS!!!

                              A PASALO BEN E ATA O VINDEIRO MARTES!!!

PROPOSTAS PARA FACER NA CASA 18

Bo día familias!

Como ides? Parece que volve o bo tempo, así que tocará aproveitalo! 😀

A continuación comparto as novas propostas didácticas para facer na casa:

1.- XOGAMOS COS TAPÓNS?

Xa vistes como a profe Anuska estaba rodeada de elementos soltos. Ata fixo mandalas con eles! Pois eu collinlle prestados uns tapóns cos que realicei estas actividades:

ACTIVIDADE 1: A PESCAR!

ACTIVIDADE 2: MATEMÁTICAS CON TAPÓNS

Asociamos número con cantidade:

Sumamos:

ACTIVIDADE 3: QUE ESTOU TOCANDO?

Sen empregar o sentido da vista... A ver se adiviñas o que hai dentro de cada tapón.

Velaquí vos deixo un exemplo da actividade:

2.- DIRECCIÓNS E FIGURAS CONCÉNTRICAS

Na presente actividade imos xogar coas direccións das frechas. Para realizala, precisamos algo de concentración e atención co fin de rodear cada frecha coa cor correspondente tal e como se indica no seguinte exemplo:

Sabes dicir en que dirección vai cada unha? De abaixo cara arriba, de esquerda á dereita...

Agora intentaremos realizar a seguinte actividade seguindo a dirección esquerda-dereita. Consiste en coller obxectos de diferentes formas que teñas pola casa para, a continuación, debuxar a súa base e seguir realizando formas concéntricas dentro dela.

3.- PINTAMOS CON XEO!

Como se achegan días soleados, unha proposta moi divertida é pintar con xeo! Para realizar esta actividade precisades:

- Témperas ou colorante alimenticio para tinguir a auga.

- Auga.

- Unha cubeta de xeo (cubitera), oveira ou calquera outro recipiente similar.

- Uns paus, depresores, culleriñas..., que nos sirvan de instrumento para agarrar sen tocar o xeo.

Este é o proceso a seguir:

Auga con colorante:

Tras unha noite no conxelador..., este foi o resultado:

E así pintan:

*Recomendación: se tinguides a auga con colorante, botádelle mínimo 3 ou 4 gotiñas para que non queden escasos de cor.

E co xeo de cores listo e unha cartolina ou folio..., xa podedes comezar a pintar! 

A ver que obras de arte tan chulas vos saen!

4.- MOTRICIDADE GROSA E MEMORIA.

O seguinte xogo consiste en dicir unha serie numérica entre o 1 e o 4, que o rapaz ou rapaza terá que reproducir saltando enriba do número correspondente e mantendo a orde cronolóxica. Cando rematemos de realizar a serie, por exemplo: 2-3-4-1, temos que acabar enriba do círculo azul. Podemos xogar de maneira individual ou en parella (teríades que facer outras "casillas" como a da foto), a ver quen acaba antes! Sempre ten que haber unha persoa máis que dicte ou ensine os números.

A serie numérica podedes dicirlla ó neno e/ou nena e, nese caso, deberán empregar a memoria auditiva. Tamén podedes escribirlla nun folio e ensinarlla durante 5 segundos, co cal terán que empregar a memoria visual. Este xogo tamén permite afianzar as grafías numéricas de forma lúdica. Tamén podedes xogar empregando diferentes ritmos (rápido, lento...).

É un xogo de movemento que pode chegar a ser moi divertido!

5.- LETRAS GALEGAS 2020

Como ben sabedes, o domingo é o Día das Letras Galegas e este ano está dedicado a Ricardo Carvalho Calero, polo que compartimos con vós unha actividade interactiva que esperamos que sexa do voso agrado. Escoitade con atención e anotade os números 😉

https://view.genial.ly/5eb042186f16bf0d194d52c8/presentation-letras20

Por último, recordarvos que hoxe celebramos o Día Internacional das Familias! Sen dúbida este confinamento tamén serviu para pasar máis tempo xuntos e coñecernos mellor. Por que non utilizar ese amor que tes pola túa familia e plasmalo nun simple pero emotivo debuxo, onde aparezas ti coa túa familia, facendo unha das cousas que máis vos gusta realizar xuntos?

Desfrutade moito da fin de semana!

Despedímonos ata o vindeiro martes.

Chegaremos cargados de novas propostas...

Unha aperta!

PROPOSTA PARA FACER NA CASA 17

BOOO DÍAAAAAA!!

Algúns de nós xa podemos desfrutar da FASE I deste confinamento... Así que espero, que pouco a pouco, poidamos voltar a normalidade, pero lembrade... Con moito sentidiño... 

#ESTÁMOLOCONSEGUINDO

1. CONTO CANTADO, CONTO CONTADO

Aquí vos deixo outra adaptación musical do conto A que sabe a lúa? para que poidades desfrutar en familia.

Velaquí vai... Agora si...

Despois de escoitar o conto, a que pensas ti que lle soubo a cada animal o anaquiño de lúa? Por exemplo o rato soubolle a queixo... A min, soubome a iogur natural con noces e mel...

E a ti...?

E a túa familia...?

Podes facer un debuxo do conto cos animais e o alimento que máis lle gusta a cada un... Para rematar a actividade, respetando o nivel de maduración e cada un a súa maneira,  podes  poñerlle o nome os animais e os alimentos...

2. RETO A NIVEL MUNDIAL MUSEO GETTY

O Museo Getty de "Los Ángeles", iniciou esta divertida proposta onde temos que imitar con obxectos cotiás que teñamos por casa, unha obra de arte famosa que vos guste. É unha actividade moi orixinal e divertida para desfrutar en familia e onde as risas van a estar aseguradas... Esperamos que vos animedes a participar, xa que con todas as imitacións realizadas faremos un vídeo cheo de creatividade e imaxinación...

Aí vai a miña...

 

 "El viejo guitarrista ciego" (1904) 
PICASSO (Etapa azul)

e outras dúas de exemplo:

"Autorretato con sombrero de fieltro"  
VICENT VAN GOGH (1853-1890) 

3. ESTAMPACIÓNS CREATIVAS

Comezamos cortando pola metade a FROITA ou TUBÉRCULO (laranxa, limón, mazá, cenoria, pataca...) que queiramos estampar. Para darlle cor podemos tinguilo con colorante alimenticio ou pintura, facemos varias estampacións ao longo do folio ocupando todo o espazo e as deixamos secar.

A continuación decoramos as estampacións como queiramos e segundo o que vexamos ou imaxinemos: unha nena, unha cara, un sol, unha flor, un virus... 

E por último... ensinádenos as vosas obras de arte...

 

4. MANDALAS

Agora que xa podemos saír a rúa, ó monte, á praia... imos aproveitar estas saídas para comezar a facer a nosa caixa de pezas soltas cunha colección de diversos materiais de refugallo (pedras, paus, conchas, piñas, follas, plumas, tacos de madeira, envases, tapas, corchos, rolos...), para crear as nosas mandalas e utilizar no xogo simbólico ou na construción de minimundos.

Con todas estas pezas imos facer unha composición cos elementos elexidos formando unha unión e armonía medinte o equilibrio dos elementos. As mandalas son un excelente instrumento para traballar a concentración e relaxación.

Aquí vos deixo algúns exemplos:

Ata aquí as propostas de hoxe... Voltamos o venres con outras novas...

BICOS E APERTAS

PROPOSTA PARA FACER NA CASA 16

Bo día familias!!!

Seica a chuva estes días deu unha tregua e xa podemos disfrutar un pouco máis do sol, e do xogo ao aire libre tan beneficioso, aínda que sexa por tempo limitado.

Gustaríanos seguir compartindo desde a escola, algunhas propostas con vós, para axudar no que poidamos ao desenvolvemento dos vosos fillos e fillas, complementando outras moitas que seguro que xa facedes por propia iniciativa. Hoxe suxerimos as seguintes:

1- XOGAMOS COA QUÍMICA E OS ALIMENTOS:

Poderedes comprobar que alimentos levan ou non ALMIDÓN, tan necesario para a nosa vida, e para obter ese aporte de carbohidratos tan necesario na nosa dieta, polo seu gran aporte enerxético. Ao ser de orixe vexetal, os alimentos que o conteñen soen ter beneficios acompañantes como ser ricos en vitamina ou fibra.

O experimento consiste no seguinte:

Cando temos o resultado final podemos facer comparacións de cantidade de almidón preguntándolles por exemplo:

*Cal destes alimentos ten máis almidón?, ...Ten máis almidón o plátano que o pan?, Ten menos almidón a pasta que o pan?... Traballaremos os conceptos máis que, menos que, igual... Podedes facer todas as preguntas que estimedes oportunas para conseguilo.

2- CONTO CONTIÑO: "O coelliño branco" Xosé Ballesteros- Óscar Villán.                                        

  

Agora que xa víchedes o conto propóñovos a seguinte actividade:

Nun TRABALINGUAS se repiten sonidos e a súa pronunciación soe ser algo difícil, por iso se nos traba a lingua.

Intenta inventar ti agora un trabalinguas coas palabras: cabra, encabritada, desencabritará, cabresa, caburra, cabraza, formiga, rabiga, barriga... e todas aquelas que poidas atopar no conto que rimen.

Podes escribilo a túa maneira, facerlle unha ilustración(debuxo)  e poñerlle un título, e compartilo con nós para que poidamos disfrutalo. Animádevos a darlle ritmo á lingua!!! Poño algúns exemplos de trabalinguas a continuación:

UN LOBO RUBIO                         O PITO COXO                          OS CORDÓNS

Un lobo rubio roe un loro duro      Por detrás daquel toxo              Collín cordóns,

se un lobo rubio o roe,                  vai un pito coxo.                        cordóns collín.

un loro duro o remoe.                   Corre, pito coxo                         Pola rúa corro,

                                                      pito coxo, corre.                        cordóns collo.

                                                                                                        Pola rúa corrín,

                                                                                                        cordóns collín.

 

 

 

           A PITA PASA                                     DEBAIXO DUNHA PITA TINTA

          A pita pasa                                           Debaixo dunha pipa tinta

          a pipa pinga.                                        hai unha pita pinta;

          Cando a pita pasa,                               cando a pipa tinta pinga,

          a pipa pinga.                                         a pita pinta pía.

                  

 

 

 

          UN CAN                                               CAEU UNHA CHICA

         Un can cun quinqué no cu.                   Caeu unha chica no chan.

3- ZUMBA: Xa vén a fin de semana e que mellor maneira de recibila que movendo un pouco o corpo. Envíovos o enlace duns video de zumba para animalos a poñer ese corpiño A BAILAR!!!

Antes de empezar a facer exercicio hai que quentar un pouco. Aí van os exercicios de quencemento. Despois comezamos co entrenamento e por último hai que relaxar os músculos.

Lembrade que despois de facer un pouco de exercicio hai que estirar os músculos, e podedes facelo acudindo á PROPOSTA PARA FACER NA CASA 2, onde hai un video de ioga para relaxarse e rematar a sesión.

Esperamos e desexamos que gocedes moito da fin de semana. Voltaremos a semana que vén con máis propostas, que oxalá sexan atractivas para os rapaces e rapazas.

                                           BOA FIN DE SEMANA EN FAMILIA!!!

PROPOSTAS PARA FACER NA CASA 15

Bo día familias!

Parece que a situación vai mellorando e xa todos podemos saír nalgún momento da casa para despexarnos, xogar, pasear... cousas que xa botábamos en falta.

Comezamos esta entrada compartindo un vídeo dedicado a aqueles nenos e nenas que pasaron o seu aniversario en confinamento como auténticos campións e campioas!

Agora queremos compartir con vós algunhas propostas para facer ao longo desta semana... e a primeira delas vaivola compartir a mismísima Espiñeiriña...

1.- O LIBRO DOS RECORDOS

Como ben sabedes, Espiñeiriña é unha amante dos libros e como, por mor da aparición do Covid-19 nas nosas vidas, tivo que pechar a biblioteca e non pode compartilos con vós, ela proponnos que fagamos un libro, pero non un calquera, será o LIBRO DOS RECORDOS, onde os protagonistas seredes cada un de vós:

• Primeiramente, xunto coas vosas nais e/ou pais ou de maneira independente, podedes elaborar unha lista escribindo os nomes das nenas e nenos da vosa clase e as vosas mestras/es. Os integrantes desa lista serán os protagonistas.

• Cada día realizaredes unha páxina do libro: nun folio poñeredes de título o nome dun membro da nosa clase (compañeiro/a, mestre/a ou ti mesmo/a), faredes un debuxo del ou dela e escribiredes unha palabra ou unha frase en positivo que o caracteriza (ex: A teacher Sole é moi simpática). Poderedes escribir a palabra ou frase de maneira autónoma ou ben solicitando a axuda dunha persoa adulta.

• Cando acabedes de realizar todas as páxinas do libro tan só vos quedará facer unha portada que o represente e encadernalo/grapalo.

Seguro que a todos e todas vos encantará coñecer esa característica positiva que os vosos compañeiros e compañeiras perciben de vós. Ademais de ser en un libro baseado nos recordos, será un libro que quede tamén para o recordo tras atravesar esta situación da que esperamos saír reforzados! Cando volvamos ó cole podemos ensinarllo ós nosos "compis" da clase.

*Recibiredes no voso correo electrónico unha lista cos nomes dos compañeiros de clase e dos mestres que traballan con eles e elas (titor/a e especialistas).

2.- A PRIMAVERA E OS MAIOS

Propóñovos unha actividade que nos permitirá experimentar diferentes sensacións. Para realizala moitos de vós necesitaredes saír da casa, algo que xa podemos facer!!! Deberedes conseguir algunhas flores das cores que queirades... Cando xa teñades as flores ou herbas, o seguinte paso será cubrilas de auga e metelas no conxelador...

Tras deixalas un día no conxelador... sabedes que pasou? Se vos ocorre de que forma divertida as podemos liberar?

Isto foi o que empregamos: unha xeringa, sal, auga con colorante e a diferente temperatura (predominantemente quente), un pulverizador e unha fonte de cristal (recoméndase unha bandexa ou fonte máis grande que a utilizada neste caso).
 

A derretir o xeo como ben poidades!!! Veredes que é moi divertido!

E así foi como quedou todo!

Esperamos que vos guste!!!

3.- MATEMÁTICAS E PSICOMOTRICIDADE FINA.

Esta proposta didáctica podemola adaptar a diferentes niveis... para realizala só precisaremos de papel, pinzas da roupa, depresores ou unha tira de cartón, unha palliña..., e un lapis.

Velaquí unha actividade para traballar a asociación número-cantidade. Podedes escribirlle unha grafía numérica e o neno ou nena terá que poñer tantas pinzas como o número indica ou o revés, escribindo o número de pinzas que ten colocadas...

Unha actividade de máis complexidade é a seguinte, que serve para traballar as sumas de forma sinxela:

 4.- RETO "TODO IRÁ BEN"

Para realizalo precisades un anaco de papel de cociña dobrado e os rotuladores necesarios para colorear nos extremos do papel as franxas do arco da vella... Agora vén o bo... Sodes capaces de completar o arco da vella empregando para elo tan só dous vasos con auga?

Velaquí a comprobación do reto:

 

Agora tócavos a vós. Seguro que vos sae xenial!

Pasádeo moooi ben. 
Volvemos este venres con máis propostas.

Unha aperta!