Algúns de nós xa podemos desfrutar da FASE I deste confinamento... Así que espero, que pouco a pouco, poidamos voltar a normalidade, pero lembrade... Con moito sentidiño...
#ESTÁMOLOCONSEGUINDO
1. CONTO CANTADO, CONTO CONTADO
Aquí vos deixo outra adaptación musical do conto A que sabe a lúa? para que poidades desfrutar en familia.
Despois de escoitar o conto, a que pensas ti que lle soubo a cada animal o anaquiño de lúa? Por exemplo o rato soubolle a queixo... A min, soubome a iogur natural con noces e mel...
Velaquí vai... Agora si...
E a túa familia...?
Podes facer un debuxo do conto cos animais e o alimento que máis lle gusta a cada un... Para rematar a actividade, respetando o nivel de maduración e cada un a súa maneira, podes poñerlle o nome os animais e os alimentos...
2. RETO A NIVEL MUNDIAL MUSEO GETTY
O Museo Getty de "Los Ángeles", iniciou esta divertida proposta onde temos que imitar con obxectos cotiás que teñamos por casa, unha obra de arte famosa que vos guste. É unha actividade moi orixinal e divertida para desfrutar en familia e onde as risas van a estar aseguradas... Esperamos que vos animedes a participar, xa que con todas as imitacións realizadas faremos un vídeo cheo de creatividade e imaxinación...
Aí vai a miña...
"El viejo guitarrista ciego" (1904)
PICASSO (Etapa azul)
PICASSO (Etapa azul)
e outras dúas de exemplo:
"Autorretato con sombrero de fieltro"
VICENT VAN GOGH (1853-1890)
VICENT VAN GOGH (1853-1890)
3. ESTAMPACIÓNS CREATIVAS
Comezamos cortando pola metade a FROITA ou TUBÉRCULO (laranxa, limón, mazá, cenoria, pataca...) que queiramos estampar. Para darlle cor podemos tinguilo con colorante alimenticio ou pintura, facemos varias estampacións ao longo do folio ocupando todo o espazo e as deixamos secar.
A continuación decoramos as estampacións como queiramos e segundo o que vexamos ou imaxinemos: unha nena, unha cara, un sol, unha flor, un virus...
E por último... ensinádenos as vosas obras de arte...
4. MANDALAS
Agora que xa podemos saír a rúa, ó monte, á praia... imos aproveitar estas saídas para comezar a facer a nosa caixa de pezas soltas cunha colección de diversos materiais de refugallo (pedras, paus, conchas, piñas, follas, plumas, tacos de madeira, envases, tapas, corchos, rolos...), para crear as nosas mandalas e utilizar no xogo simbólico ou na construción de minimundos.
Con todas estas pezas imos facer unha composición cos elementos elexidos formando unha unión e armonía medinte o equilibrio dos elementos. As mandalas son un excelente instrumento para traballar a concentración e relaxación.
Aquí vos deixo algúns exemplos:
Ata aquí as propostas de hoxe... Voltamos o venres con outras novas...
BICOS E APERTAS
No hay comentarios:
Publicar un comentario